Туркия президенти Ражаб Тоййиб Эрдоған “Ливия миллий армияси”ни бошқараётган Халифа Хафтар билан музокара ўтказмоқчи эмас. Бу ҳақда Bloomberg агентлиги хабар берди.
Хафтарнинг рақиби бўлмиш – “Миллий келишув ҳукумати” раҳбари Фаиз Сарражни қўллаб-қувватлаётган Эрдоған “террорчи билан бир столда ўтирмаслигини” билдирди.
19 январ куни Берлинда Ливия масаласи бўйича халқаро конференция бўлиб ўтди. Унда уришни тўхтатиш ва мамлакатни тиклаш бўйича якуний қарор қабул қилинди.
