Энг кучлиларидан бири: Ерда кучли магнит бўрони бошланди

Сайёрамизда магнит бўрони бошланди. Бу сўнгги йиллардаги энг кучлиларидан бири.

Табиий ҳодиса 23 март куни бошланган ва 24 март куни тушдан кейин G3 даражасига етган (жами 5 та G1 - G5 даражалари мавжуд). Бундай кучли бўрон нафақат радио алоқаларга халақит бериши, балки энергия тизимларининг нотўғри ишлашига, шунингдек, мойли трансформаторларнинг қисман ишдан чиқишига ҳам олиб келиши мумкин. Бундан ташқари, баъзи космик кемаларнинг ҳам хавф остида қолиш эҳтимоли бор.

Табиий ҳодиса 25-26 март кунлари ҳам кузатилади.