Энди уй олмоқчи бўлган фуқароларнинг пуллари тўғридан тўғри қурувчига берилмайди

Депутатлар ниҳоят квартирали уйлар ва бошқа кўчмас мулк объектларини улуш киритиш асосида қуриш тўғрисидаги қонунни қабул қилди.

Ҳужжатга кўра, қурилишга маблағ киритаётган фуқароларнинг пуллари тўғридан тўғри қурувчига берилмайди, балки банкларда очиладиган эскроу ҳисобварақларида сақланади.

Маблағлар қурилиш белгиланган талаблар асосида якунланиб, объект фойдаланишга топширилганидан кейингина қурувчига ўтказилади.