Эндиликда жисмоний шахслар ҳам кўп қаватли уйлар олдидаги автотураргоҳ учун солиқ тўлайди. Бу ҳақда Давлат солиқ қўмитаси бошқарма бошлиғи Шодиёр Аҳмедов АОКАда ўтказилган брифингда маълум қилди.
«2021 йил 1 январдан бошлаб, жисмоний шахсларнинг кўп қаватли уйларга узвий боғлиқ бўлган автомашина турар жойлари мол-мулк солиғи объекти қаторига киритилди. Кадастр идоралари томонидан автомашина турар жойи учун алоҳида кадаст ҳужжати ва қиймати расмийлаштирилади» — деди Аҳмедов.
Таъкидланишича, автомашина турар жойлари учун солиқ кадастр қийматидан 0,23 фоиз ставкада тўланади.
«Мисол тариқасида, автотураргоҳнинг кадастр қиймати 11 млн сўм бўлса, йиллик мол-мулк солиғи миқдори — 25 300 [11 млннинг 0,23 фоизи — 25 300] сўм қилиб белгиланади. Тўлов муддати 15 апрель ва 15 октябрь», — деди ДСҚ вакили.
Бунга қадар жисмоний шахслар автотураргоҳга юридик шахслар учун назарда тутилган 2% ставкада [11 млннинг 2 фоизи — 220 минг] мол-мулк солиғини тўлар эди.
Ҳаво ҳарорати аста-секин кўтарилиши кутилмоқда
Эртага, 22 декабрь куни юртимиз бўйлаб кутилаётган об-ҳаво маълумоти билан танишинг
АҚШ Украинанинг Россия ҳужумини тўхтата олмаслигини эълон қилди
