Хабар бериб бораётганимиздек, "Ёшлар Форуми 2023" доирасида раҳбар ва ёшлар учрашувлари ўтказилмоқда. Бугун пойтахтимизда жойлашган Ёшлар ижод саройида кун давомида раҳбар ва ёшлар учрашувлари бўлиб ўтди. Шунингдек, Экология, атроф-муҳитни муҳофаза қилиш ва иқлим ўзгариши вазири ҳам ёшлар билан самимий мулоқот ўтказди.
Азиз Абдувакимов ёшлар орасида экофаоллар кўплиги, атроф-муҳитга бефарқ эмаслигини таъкидлаб, қуйидаги маълумотларни келтириб ўтди:
✅ йил давомида турли экологик тадбирларда 2 миллион 445 мингдан ортиқ ёшлар фаол қатнашди;
✅ "Яшил макон" лойиҳаси доирасида 1 миллиондан ошиқ ёшлар ташаббус кўрсатди.
Турли университет талабалари, жамоатчилик ва экология фаоллари иштирок этаётган ушбу тадбирда ёшлар ўзлари қизиқтираётган саволларга жавоб олдилар.
