40 мамлакатдан келган халқаро олимлар гуруҳи инсоннинг қанчалик тез қаришига нафақат турмуш тарзи ва саломатлиги, балки атроф-муҳит ва жамиятдаги тенгсизлик даражаси ҳам таъсир қилишини аниқлади. 161 981 киши иштирок этган йирик тадқиқот натижалари шу хулосага олиб келди.
Сунъий интеллектдан фойдаланган ҳолда, улар биологик хулқ-атвор ёшини - инсоннинг ҳақиқий ёши билан унинг соғлиғи, хотираси, маълумоти ва қон босими ёки холестерин даражаси каби кўрсаткичлар ўртасидаги фарқни ҳисоблашди. Маълум бўлишича, ҳавоси ифлос, ижтимоий тенгсизлик кучли, демократик институтлар заиф бўлган мамлакатларда одамлар тезроқ қарийди, когнитив қобилиятлари ва кундалик фаоллиги пасайиб кетиш хавфи юқори бўлади.
Энг яхши кўрсаткичлар Европанинг бир қатор давлатларида, энг ёмони эса Миср ва Жанубий Африкада қайд этилган. Ҳатто Европада ҳам фарқлар мавжуд: шарқий ва жанубий мамлакатларда қариш тезроқ содир бўлади.
Қариш нафақат шахсий хусусият, балки биз яшаётган муҳитнинг ҳам аксидир. Улар қаришни секинлаштириш ва аҳолининг соғлом умрини узайтириш учун ҳаво ифлосланишига қарши курашиш, тенгсизликни камайтириш, демократияни мустаҳкамлашга чақирмоқда.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
“UzAuto Motors” янги тўлов шартларини эълон қилди
