Бу ҳақда Урсула фон дер Ляйен Украина президенти Владимир Зеленский ва Европа Кенгаши раҳбари Антонио Кошта билан ўтказилган қўшма брифингда маълум қилди.
"Кредит Европа кенгашида 27 давлат ва ҳукумат раҳбарлари томонидан келишилган. Улар сўз берди. Бу ваъда бузилиши мумкин эмас", — деди Еврокомиссия раҳбари.
Шунингдек, Фон дер Ляйен EИ кредитни қандай механизм орқали тақдим этишини аниқлаштирмади, фақат турли вариантлар мавжудлигини таъкидлади.
Европарламент раҳбари Роберта Метсола ҳам Киевга ушбу кредитни ажратиш тўғрисидаги ҳужжатни имзолаганини маълум қилди. Унинг сўзларига кўра, маблағлар Украина давлат хизматлари фаолиятини таъминлаш ва мамлакат мудофаасига йўналтирилади. Улар умумий хавфсизлик ва эркинликни ҳимоя қилиш ҳамда Украинанинг Европадаги келажагини мустаҳкамлашга хизмат қилади.
Венгрия 20 феврал куни Украинага кредит ажратишни блоклаган ва “Дружба” нефт қувури орқали Венгрияга нефт транзити тикланмагунча ўз позициясини ўзгартирмаслигини билдирган эди.
Украинанинг билдиришича, Россия нефтини Словакия ва Венгрияга етказиб бериш учун унинг ҳудуди орқали ўтувчи нефт қувури 27 январ куни Россия зарбалари оқибатида шикастланган, натижада нефт етказиш тўхтатилган.
Уйига фақат тунда келишни одат қилган қарздорга МИБ "сюрприз" қилди
Доллар турбулентлик босқичига кирмоқда
Трамп: "Менга мамлакатни вайрон қилиш ҳуқуқи берилган”
