ЕЧЛ. "ПСЖ" тўлиқ устунлик қилган ўйинда "Ливерпуль" ғалабани илиб кетди

"Ливерпуль" Чемпионлар Лигаси 1/8 финал дастлабки ўйинида "ПСЖ"ни мағлуб этди - 1:0. Ўйин Париждаги "Парк де Пренс" стадионида бўлиб ўтди.

Учрашувнинг 20-дақиқасида парижликлар ҳужумчиси Хвича Кварацхелия ҳисобни очди, бироқ VAR офсайд туфайли киритилган тўпни бекор қилди.

Ягона гол 87-дақиқада ярим ҳимоячи Харви Эллиот томонидан киритилди. "Қизиллар" ўйинда парижликлар дарвозасига бир дона аниқ зарба йўллади.

Жавоб ўйини бир ҳафтадан сўнг, 11 март куни Англияда бўлиб ўтади.