Бугун 17 ноябрь, 2026 йил, сешанба

O'ZB

ЕЧЛ. «Атлетико» ўз майдонида «Манчестер Юнайтед»дан устун келди

ЕЧЛ. «Атлетико» ўз майдонида «Манчестер Юнайтед»дан устун келди

Мадриднинг «Атлетико» клуби УЕФА Чемпионлар лигаси умумий босқичи 2-турида Англиянинг «Манчестер Юнайтед» жамоасини 2:0 ҳисобида мағлубиятга учратди.

Учрашув мезбонлар учун омадли бошланди. 1-дақиқадаёқ Пабло Барриос рақиб дарвозасини ишғол қилиб, «Атлетико»ни ҳисобда олдинга олиб чиқди.

74-дақиқада «Манчестер Юнайтед» ҳимоячиси тўғридан-тўғри қизил карточка олиб, майдонни тарк этди. Натижада меҳмонлар учрашувнинг қолган қисмини бир киши кам бўлиб ўтказишга мажбур бўлди.

79-дақиқада Адемола Лукман мезбонларнинг устунлигини икки бараварга ошириб, баҳсдаги якуний ҳисобни ўрнатди.

Шу тариқа, «Атлетико» ўз майдонида 2:0 ҳисобида ғалаба қозониб, Чемпионлар лигасида муҳим уч очкони қўлга киритди.

Европа чемпионлар лигаси. Умумий босқич. 2-тур.

14 октябрь, 00:00. «Сивитас Метрополитано» (Мадрид)

«Атлетико» — «Манчестер Юнайтед» — 2:0

Голлар: Барриос, 1 (1:0), Лукман, 79 (2:0).

«Атлетико» таркиби: Облак, Гримальдо, Ганцко, Ромеро, Льоренте, Баэна (Лукман, 71), Кардозо, Барриос (Пубиль, 60), Симеоне (Ле Норман, 88), Альварес (Юльманн, 71), Ли Кан Ин (Дэвид, 61).

«Манчестер Юнайтед» таркиби: Ламменс, Хевен (Магуайр, 80), Мартинес, Йоро, Далот, Балеба (Маунт, 66), Сантос, Рэшфорд (Диалло, 66), Тилеманс (Зиркзе, 66), Бруну Фернандеш (Кунья, 80), Мбемо.

Сариқ карточкалар: Ле Норман (88) — Рэшфорд (52).

Қизил карточка: Йоро (74, «Манчестер Юнайтед»).

Киритилди: 07:05 14.10.2026. Ўқилди: 640 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар