ЕЧЛ. 70 дақиқадан кўпроқ вақт давомида 1 киши кам ўйнаган "Барселона" сафарда "Бенфика"ни енгди

"Барселона" Чемпионлар Лигаси 1/8 финал дастлабки ўйинида "Бенфика"дан устун келди - 1:0. Ўйин Лиссабондаги (Португалия) стадионда бўлиб ўтди.

Учрашувдаги ягона голни Испания жамоаси ҳужумчиси Рафинья 61-дақиқада киритди.

"Барселона" 22-дақиқадан бошлаб бир киши кам бўлиб ўйнади, ҳимоячи Пау Кубарси "Бенфика" ҳужумчиси Вангелис Павлидисга нисбатан қўполлик ишлатгани учун тўғридан-тўғри қизил карточка олди.

Жамоаларнинг Чемпионлар лигасидаги жавоб учрашуви 11 март куни Барселона (Испания) да бўлиб ўтади.