Непалнинг Лукла шаҳридаги аэропорт яна бир бор дунёдаги энг хавфли аэропортлардан бири деб топилди. Бунга унинг учиш-қўниш йўлаги жуда қисқалиги, атрофини тоғлар ўраб тургани ва об-ҳавонинг кутилмаганда ўзгариши сабаб бўлди.
Таъкидланишича, Лукладаги Тензинг Ҳиллари аэропорти (LUA) денгиз сатҳидан 2844 метр баландликда жойлашган. Бу ердаги учиш-қўниш йўлагининг ўлчамлари учувчиларга жуда катта қийинчилик туғдиради: йўлакнинг эни атиги 20 метр, узунлиги эса бор-йўғи 527 метрни ташкил қилади. Солиштириш учун, оддий аэропортларнинг йўлаги одатда 3000 метр атрофида бўлади.
Бундан ташқари, йўлак 12 фоизли тик нишабликка эга. Бу самолётлар қўнаётганда тезроқ секинлашишига ва йўлак тугагунча тўхташига ёрдам беради. Aviation Safety Network маълумотларига кўра, 2004 йилдан буён ушбу аэропортда 56 та ўлим билан боғлиқ ҳодиса ва 7 та ҳалокатли авария юз берган.
Лукла аэропортида фақат энг тажрибали учувчилар ишлаши мумкин. Непал авиация расмийлари бунинг учун жуда қаттиқ талаблар қўйган.
Агар об-ҳаво туфайли рейслар бекор қилинса, сайёҳларда бир нечта вариант қолади: улар ёки қўшни Мантали аэропортига учиши, ёки Жири ва Саллери қишлоқларидан Луклагача пиёда бориши керак бўлади
Миллион россиялик мамлакатни тарк этди
Ўзбекистон – Нидерландия ўртоқлик ўйини Нью-Йоркда бўлиб ўтади
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
