Дунёдаги энг йирик чой ишлаб чиқарувчи компания ҳам Россияни тарк этади

“Ekaterra” халқаро чой компанияси “ҳозирги фаолият муҳити туфайли” Россиядан чиқиб кетади, дея хабар берди Интерфакс.

Бу шуни англатадики, Ekaterra 2022 йил охиригача Россияда Lipton, Saito ва Brooke Bond чойларини ишлаб чиқаришни тўхтатиш ниятида ва тез орада савдо тўхтатилади.

Ekterra дунёдаги энг йирик чой ишлаб чиқарувчилардан биридир. Компания портфелига 34 та бренд киради, жумладан, PG Tios, Pukka, T2, Tazo ва Lipton. 2022 йил бошида Ekaterra компаниясига эгалик қилган Unilever ўзининг чой бўлинмасини CVC Capital Partners VIII га сотишни якунлади. Битим 4,5 миллиард еврони ташкил этди.