Дунёда бобо ва бувилар сони 1960 йилга нисбатан 0,5 миллиардга ошди ва ҳозирда уларнинг сони 1,5 миллиардни ташкил этмоқда. Бу ҳақда The Economist таҳлилчилари маълум қилди.
“2050 йилга бориб бобо ва бувилар сони 2,1 миллиардга етади (сайёра аҳолисининг 22 фоизи). Уларнинг сони 15 ёшгача бўлган болалар сонидан кўп бўлади”, – дейилади ҳисоботда.
Ҳозирда қари одамлар Ер аҳолисининг 20 фоизини ташкил этмоқда. Таҳлилчилар ушбу тенденция келажакда “ижтимоий инқилоб”га сабаб бўлишини тахмин қилган.
