Дубай яна бир шиша гумбаз остидаги бутун бошли шаҳарча қурмоқда

Дубайда майдони 2,6 квадрат километр бўладиган улкан Dubai Square Mall савдо маркази қурилмоқда.

Бу шиша гумбаз остидаги бутун бошли шаҳарча бўлади.

Мажмуа Дубай-Крик ҳудудида жойлашади ва ташриф буюрувчилар электромобилларда ҳаракатланиши мумкин бўлган йўлларга эга бир нечта кварталларни ўз ичига олади. Шунингдек, сон-саноқсиз дўконлар, боғлар, ресторанлар, меҳмонхоналар ва «илғор сунъий интеллект тизимлари» жорий этилиши ваъда қилинмоқда.

Лойиҳанинг очилиши 2028 йилга режалаштирилган бўлиб, унинг қиймати аллақачон 49 миллиард долларга етган.