"АҚШ президенти Доналд Трамп асосий эътиборини Эрондаги урушга қаратганидан кейин Украинада тинчлик ўрнатиш бўйича музокаралар жараёни чўзилди. Ўз навбатида, тинчликка мажбурлаш учун Қўшма Штатларнинг Россияга ўтказаётган босими тобора камайиб бормоқда", дея ёзмоқда нашр.
АҚШ, Россия ва Украина ўртасидаги сўнгги уч томонлама музокаралар феврал ойи ўрталарида Женевада бўлиб ўтган, лекин унинг тафсилотлари ошкор этилмаганди. Маълумотларга кўра, томонлар сулҳ билан боғлиқ техник тафсилотларни, жумладан жанглар тўхтатилгандан сўнг нима бўлишини муҳокама қилишда олдинга силжишган, аммо сиёсий масалаларни, яъни урушни тўхтатиш шартларини муҳокама қилишда катта ютуқларга эришмаган.
"Уч томонлама музокараларнинг янги босқичи Яқин Шарқдаги янги уруш туфайли кечиктирилди. Президент Трамп эса Украинадан чалғиб, бор эътиборини Эронга қаратди. Бу Европа учун ҳам, Украина учун ҳам фалокат", — деди Financial Times нашрига европалик дипломат.
АҚШдан Украинага қурол-яроғ, хусусан, ҳаво ҳужумидан мудофаа воситалари етказиб бериш ҳам кечикмоқда, чунки Вашингтоннинг ҳозир бошқа устувор вазифалари бор.
БМТда уят ва бемаънилик театри
"Сув остидан учириладиган ва сониясига 100 метр тезликка эга": Эрон янги турдаги ракеталарини ишга солмоқчи
Эрон Исроилга ўта оғир баллистик ракеталар билан кучли ҳужум уюштирди
