Доналд Трамп Мудофаа вазири ўринбосари лавозимига миллиардер Стивен Файнберг номзодини илгари сурди

АҚШнинг сайланган президенти бу ҳақда Truth Social ижтимоий тармоғидаги саҳифасида маълум қилди.

Трампнинг таъкидлашича, 2017 йилдан 2021 йилгача бўлган биринчи президентлик муддати давомида Фацнберг разведка маслаҳат кенгашида ишлаган.

Маълумот учун, Стивен Файнберг Cerberus Capital Management LP' хусусий инвестиция компаниясининг асосчиларидан бири. Reuters маълумотларига кўра, ушбу компания мудофаа пудратчиларига ҳам сармоя киритади.