Долларнинг қулаши ҳақиқатдан ҳам яқинми? Бунга аломатлар борлиги айтилмоқда

АҚШ доллари захиралари 1995 йилдан бери биринчи марта 60 фоиздан пастга тушди.

Оқ уй 2022 йилда Россияга қарши санкцияларни киритганидан сўнг, БРИКС ҳар томондан АҚШ доллари захиралари учун муаммо туғдирмоқда. Альянс икки йилдан бери олтин жамғариб, марказий банк захираларини қимматбаҳо металлар билан диверсификация қилмоқда.

Охирги 18 ой ичида ривожланаётган мамлакатларнинг марказий банклари биргаликда 800 тонна олтин йиғди. Хитой сўнгги 15 ой ичида 225 тонна олтин сотиб олди.

Россия, Хитой ва Ҳиндистон олтиннинг энг кўп харидорлари қаторига киради ва қимматбаҳо металлар нархини бошқармоқда.

Бу АҚШ доллари захираларининг пасайишига олиб келмоқда, чунки БРИКС ўз марказий банкларида уни олтин билан алмаштиряпти.

АҚШ долларидаги Марказий банк заҳиралари 58,2 фоизгача қисқарди.

Охирги маълумотларга кўра, 2024 йилда марказий банкнинг доллардаги валюта захиралари 58,2 фоизгача қисқарган. Бу 1995 йилдан бери қайд этилган энг паст даражадир, чунки БРИКС ва бошқа ривожланаётган мамлакатлар марказий банк захираларига олтин ва бошқа маҳаллий валюталарни қўшмоқда.

Бошқа ноанъанавий захира валюталари БРИКС ва ривожланаётган мамлакатлар марказий банкига кириб бормоқда. Марказий банклар ўз заҳираларини диверсификация қилиш учун АҚШ доллари заҳираларини қисқартирмоқда ва уларни олтин билан алмаштирмоқда. АҚШ доллари ва еврога асосий муқобил «ноанъанавий заҳира валюталари»дир, дея хабар беради ХВФ.

Агар БРИКСга аъзо давлатлар марказий банкида олтин захира сифатида устунлик қилса, АҚШ доллари дефицитга дуч келиши мумкин. Захиралардаги кескин пасайиш де-долларизация АҚШ доллари учун вазиятни ёмонлаштириши мумкинлигини кўрсатади. Ривожланаётган иқтисодлар АҚШ ва Ғарбни орқа ўриндиқда қолдириб, глобал молиявий тартибга зарба бериши мумкин.