Доғистоннинг Дербент вилоятидаги Рубас қишлоғи раҳбари ҳалок бўлди. Бу ҳақда ТАСС агентлигига Дербент вилояти маъмурияти раҳбари матбуот котиби Ойдин Маммадов маълум қилди.
“Рубас қишлоғи бошлиғининг кўкрак қафасидаги ўқдан жароҳат олгани туфайли вафот этганини тез ёрдам бригадаси тасдиқлади”, — деди манба.
Россия Федерацияси Тергов қўмитасининг Доғистон бўйича тергов бошқармаси матбуот хизмати журналистларга маълум қилишича, терговчилар суд-тиббиёт экспертлари ва бошқарма бошлиғи ўринбосари билан биргаликда воқеа жойига жўнаб кетишган.