«Атлетико» бош мураббийи Диего Симеоне Испания Суперкубоги ярим финалидаги «Реал»га қарши ўйиндаги хулқ-атвори учун мадридликлар ҳужумчиси Винисиус Жуниор ва клуб президенти Флорентино Пересдан узр сўради. Ушбу баҳсда «қаймоқранглар» 2:1 ҳисобида ғалаба қозонган эди.
«Мен содир бўлган ҳолат учун жаноб Флорентино Перес ва жаноб Винисиусдан узр сўрамоқчиман. Мен нотўғри иш тутдим ва бунинг нотўғри бўлганини тан оламан. Ғалаба қозонган жамоа кейинги босқичга чиқишга лойиқ — улар бунга ҳақли.
"Реал" финалда дурангга жуда яқин эди. “Барселона” жуда яхши жамоа, уларнинг ўйин услуби ҳам жуда яхши», — дея Симеоне сўзларини келтиради AS нашри.
Испания Суперкубоги ярим финали давомида Симеоне икки бор «Реал» вингерига нисбатан провокация қилишга уринган. Мусобақа финалида эса «Қироллик клуби» «Барселона»га 2:3 ҳисобида мағлуб бўлди.
Роналду майдонда аср рекордини ўрнатди
Ҳусанов қўрқинчли ҳисоб қайд этилган баҳсда неча баллга лойиқ кўрилди?
Гвардиола: «Ҳусанов – ақл бовар қилмас футболчи»
