Сурхондарёдаги бозорда аёл ёш қизчани пичоқлагани акс этган видео тарқалганди. Бош прокуратура матбуот котиби Ҳаёт Шамсутдиновнинг маълум қилишича, қизча вафот этган. Бу ҳақда "Дарё" хабар берди.
Воқеа 1 май куни Денов туманида содир бўлган. Қизалоқ олган тан жароҳатлари оқибатида туман тиббиёт бирлашмасида вафот этган. Гумонланувчи аёл процессуал тартибда ушланган. Олинган дастлабки маълумотларга кўра, аёл руҳий касалликлар диспансерида рўйхатда турган.
Тармоқда тарқалган видеода аёл онаси билан кетаётган қизчага одамлар кўз ўнгида пичоқ ургани, сўнг пичоқни ташлаб кетиб қолганини кўриш мумкин. Қизча кўп қон йўқотган. Уни пичоқлаган аёл ҳуқуқ-тартибот органлари томонидан ушланган.
Ҳозирда аёлга нисбатан Жиноят кодексининг 97-моддаси (қасддан одам ўлдириш) билан жиноят иши қўзғатилди. Тергов ҳаракатлари давом этмоқда.
Покистон ва Афғонистон ўртасида қуролли можаро бошланди
Украина ядровий мувозанатни бузди
Украиналик десантчилар россиялик ҳарбийларни асирга олди
