Дембеле қачон фаолиятини якунлашини ва кейин нима билан шуғулланишини айтди

«ПСЖ» вингери Усмон Дембеле футболчилик фаолиятини қачон якунлаши ҳақида маълумот берди.

«Мен 34 ёшимда бутсаларимни михга илмоқчиман. Фаолиятимни якунлагач, кўчмас мулк билан шуғулланишни режалаштирмоқдаман, Африка ва Францияга сармоя киритмоқчиман», - дея Дембеленинг сўзларини келтирмоқда «Diario AS».

Жорий мавсумда 27 ёшли футболчи барча турнирларни ҳисобга олган ҳолда 13 та ўйинда қатнашиб, рақиблар дарвозасига 5 та гол урди ва 7 та голли узатмани амалга оширди.