Дания ҳукумати АҚШ вице-президентининг рафиқаси Уша Вэнс бошчилигидаги Америка делегациясининг ташрифи олдидан Гренландияда хавфсизлик чораларини кучайтирмоқда.
Бу ҳақда AP хабар бермоқда.
Оролга қўшимча полиция бўлинмалари ва ҳидловчи итлар юборилди, деди Дания полицияси. Миссияга юборилган полиция ходимлари сони аниқланмаган. Маҳаллий матбуотнинг ёзишича, гап ўнлаб полициячилар ҳақида кетмоқда.
АҚШ вице-президентининг рафиқаси ташрифи давомида 37 киши ва 444 ит иштирок этадиган ит чана пойгасида иштирок этади.
АҚШнинг иккинчи хоними оролга 27 март куни келади ва ташрифини 29 март куни якунлайди. У тарихий жойларга ташриф буюриш ва маҳаллий маданий мерос билан танишишни режалаштирган.
Аввалроқ Гренландия бош вазири Муте Эгеде АҚШ иккинчи хонимининг кутилаётган сафаридан норозилигини билдирган эди.
"Ҳозир сиёсатчининг рафиқаси ташрифи зарарсиз деб ҳисобланиши мумкин бўлган вақт эмас", деди у.
Россия ҳарбийлари Украина Қуролли кучларининг қурол заводи ва аэродромига зарба берди
Россия Арманистонга таҳдид қилмоқда: “иккита стул” бўлмайди
Европа Украинага қўшин юбориш фикридан қайтмоқда
