Олий Мажлис Қонунчилик палатаси депутатлари тўйлар, оилавий тантаналар, маърака ва маросимлар ўтказиш тартибига риоя этмаганлик учун жавобгарлик белгилаш ҳақидаги қонун лойиҳасини кўриб чиқишди.
Депутат Расул Кушербаев ўзининг Telegram-каналида хабар беришича, белгиланган тартибларга риоя этмаган шахслар базавий ҳисоблаш миқдорининг ўн баравари миқдорида жарима тўлашади — 2,23 млн сўм.
Кафе ва ресторанларнинг мансабдор шахслари эса базавий ҳисоблаш миқдорининг ўттиз баравари миқдорида жаримага тортилади — тахминан 6,69 млн сўм.
Ушбу ҳуқуқбузарлик маъмурий жазо чораси қўлланилганидан сўнг бир йил давомида қайталанса базавий ҳисоблаш миқдорининг эллик баравари миқдорида жарима солишга сабаб бўлади — 11,1 млн сўм.