Credit Suisse Group бугун 2008 йилги глобал молиявий инқироздан кейинги энг ёмон йиллик зарарни эълон қилди. Банк можаролар ва катта йўқотишларга дуч келди, бу эса мижозлар маблағларининг мисли кўрилмаган ҳолда чиқиб кетишига олиб келди.
Швейцариянинг иккинчи йирик банки тўртинчи чоракни кредиторнинг ўз таҳлилчиларининг консенсусига мувофиқ 1,39 миллиард CHF (1,51 миллиард доллар) соф зарар билан якунлади.
Банк ноябрь ойида муҳим чораклик йўқотишлар ҳақида огоҳлантирди.
Бир йил аввал Credit Suisse 2 миллиард франк зарар кўрган эди. 2022 йилда Credit Suisse умумий соф зарари 7,29 миллиард франкни ташкил этди, у кетма-кет иккинчи йил зарар кўрди.
Credit Suisse'дан активларнинг чиқиб кетиши 2022 йилнинг сўнгги уч ойида 110,5 миллиард франкни ташкил этди.
Ўтган йили капиталнинг чиқиб кетиши банкнинг ликвидлик талабларини бузишига олиб келди. Бироқ, декабрь ойида банк 4 миллиард франк маблағ йиғишни якунлади ва ликвидлик яхшиланганини айтди.
"Бизда янги Credit Suisse қуриш бўйича аниқ режамиз бор ва биз портфелни қайта тузиш, капитални қайта тақсимлаш, харажатлар базасини оптималлаштириш ва флагман франчайзаларимизни ривожлантириш орқали уч йиллик стратегик трансформацияни давом эттириш ниятидамиз", деди Бош директор Ульрих Кернер.
