Самарқанд вилояти делегацияси Дубайда бўлиб ўтаётган CОP28 — БМТ Иқлим ўзгариши тўғрисидаги конвенцияси томонлари конференциясининг 28-сессиясида «Барқарор ва яшил шаҳарлар» мавзусида тақдимот ўтказди.
Шунингдек, тадбир доирасида вилоят ҳокими ўринбосари Хуршид Очилов ҳамда Европа тикланиш ва тараққиёт банкининг (ЙТТБ) барқарор ривожланиш бўйича ижрочи директори Нандита Паршад хоним ўртасида учрашув ташкил этилди.
Учрашувда ЙТТБ кўмагида амалга оширилаётган Самарқанд шаҳрининг «Яшил шаҳар ҳаракатлар режаси» лойиҳаси муҳокама қилинди. Шунингдек, жамоат транспорти, электробуслар харид қилиш лойиҳасига ҳам алоҳида эътибор қаратилди.
Маълумот учун, CОP28 халқаро иқлим форуми 12 декабргача давом этади.
