Канада фуқароси Таиланд шимолидаги Чианг Май шаҳрида тижорат самолёти эшигини очиб, парвоз олдидан эвакуация слайдни ўрнатганидан сўнг ҳибсга олинди.
CNN телеканалининг Чианг Май халқаро аэропортига таяниб хабар беришича, ҳодиса 7 февралга ўтар кечаси содир бўлган ва бошқа рейсларнинг парвози ва қўниши кечикишига олиб келган.
Канадалик энди ўлим жазоси, 20 йилгача қамоқ ёки катта миқдорда жаримага тортилиши мумкин. Полициянинг айтишича, у психиатрик текширув учун клиникага юборилган.
Аввалроқ Американинг United Express авиакомпаниясининг самолёти парвоз вақтида чақмоқ ургани ҳақида хабар берилганди.