Бош прокуратура ҳузуридаги Департаментнинг Чиноз туман бўлими томонидан фермер хўжаликларининг мурожаатига асосан ўтказилган терговга қадар текширувда, “Чиноз кимё таъминот” МЧЖ собиқ раҳбари Х.К. ва экспедитори И.Р.лар олдиндан тил бириктириб, моддий жавобгарлигига берилган умумий қиймати 341,8 млн сўмлик 158,8 тонна аммиакли селитрани, гўёки 11 та фермер хўжаликларига тарқатилганлиги тўғрисида сохта ҳужжатларни расмийлаштириб, аслида бошқа шахсларга сотиб юбориб, ўзлаштириш йўли билан талон-торож қилганликлари аниқланган.
Мазкур ҳолат юзасидан Х.К. ва И.Р.ларга нисбатан Жиноят кодексининг 167-моддаси (талон-торож қилиш) ва 228-моддаси (ҳужжатларни қалбакилаштириш) билан жиноят иши қўзғатилиб, тергов ҳаракатлари ўтказилмоқда.
