Чехия бош вазири Андрей Бабиш Европа сиёсатчиларини Украинадаги можарони тўхтатиш учун етарлича ҳаракат қилмаётганликда танқид қилди. У бу ҳақда ижтимоий тармоқларда эълон қилинган ҳафталик видеомурожаатида гапирди.
"Мен бу жирканч уруш тугаши учун курашаман. Бу ақлга сиғмайди. Европанинг импотенцияси даҳшатли", — деди Бабиш.
Унинг сўзларига кўра, Европада Украина атрофидаги вазият муҳокама қилинганда асосан уруш ҳақида гапирилмоқда, аммо можарони тинч йўл билан тугатишга қаратилган музокараларга етарлича эътибор берилмаяпти.
Бабиш АҚШ президенти Дональд Трамп Россия президенти Владимир Путин билан мулоқот олиб бораётганини эслатиб, Европа ҳам можарони тугатиш учун барча имкониятларни ишга солиши кераклигини билдирди.
Аввалроқ Россия ташқи ишлар вазири Сергей Лавров Европа давлатларини Украина бўйича дипломатик келишувга тўсқинлик қилишга уринишда айблаган эди. Унинг фикрича, Европа Киевни можарони давом эттиришга ундамоқда.
Шу билан бирга, Европа Иттифоқи Украинага 2026–2027 йилларда 90 млрд евро миқдорида кредит ажратиш механизмини тасдиқлаган. Унинг 60 млрд евроси мудофаа салоҳияти ва мудофаа саноатини қўллаб-қувватлашга, 30 млрд евроси эса макроиқтисодий ва бюджет эҳтиёжларига мўлжалланган.
Муҳожирлар кетмоқда — Москва эса қайтишга чақирмоқда
Сурхондарёда 3700 йиллик қабрлар ўрганилмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
