Чемпионлар лигасида ғалаба қозониш имкониятлари баҳоланди

FourFourTwo портали журналистлари жамоаларнинг янги УЕФА Чемпионлар лигасида ғалаба қозониш имкониятларини баҳолашди.

Амалдаги ғолиб Франциянинг "ПСЖ" клуби турнирнинг асосий фаворити ҳисобланади. Рейтингда иккинчи ўринда "Барселона" жойлашган бўлса, кучли учликни эса Англиянинг "Ливерпуль" жамоаси якунлаган.

Кучли ўнталикка шунингдек: "Реал", "Челси", "Бавария", "Арсенал", "Манчестер Сити", "Наполи" ва "Интер" киради.

Эслатиб ўтамиз, ўтган мавсум Чемпионлар лигаси финал учрашувида "ПСЖ" ва Миланнинг "Интер" клублари тўқнаш келганди. Луис Энрикенинг жамоаси Италия топ-клубини осонлик билан 5:0 ҳисобида мағлуб этди. Парижликлар тарихда биринчи марта Чемпионлар лигасида ғалаба қозонишди.