16 ёшли Адам Рейн ўз жонига қасд қилди. Ота-онаси унинг телефонини текшириб, ChatGPT билан бир неча кунлик ёзишмаларни топишди. У ерда сунъий интеллект-бот нафақат ўлим ҳақидаги суҳбатларни қўллаб-қувватлаган, балки ўз жонига қасд қилиш усулларини ҳам кўрсатиб бергани маълум бўлди.
Бундан ташқари, йигит ўз хонасида илгак осиб қўйиб, ота-онаси уни кўриб қолиб, уни тўхтатишини хоҳлаганида, ChatGPT уни бу фикридан қайтарган.
Адам, шунингдек, иккита васиятномага ўхшаш хайрлашув хати ёзган ва уларни ёзишда ҳам ботдан маслаҳат олган. Масалан, ChatGPT унга «Сен бошқалар учун яшашга мажбур эмасан» деган иборани ишлатишни таклиф қилган.
Ўлимида бир неча соат олдин ўсмир чат-ботга ўз жонига қасд қилиш режаси туширилган расмни юклаб, маслаҳат сўраган. ChatGPT уни таҳлил қилиб, режани янада «мукаммаллаштириш» бўйича таклифлар берган. Эрталаб эса ота-онаси унинг жасадини топишган.
Марҳумнинг қариндошлари OpenAI компаниясига қарши судга даъво киритишди. Бу иш компания тарихидаги энг шов-шувли суд жараёнларидан бирига айланиши мумкин.
Кападзе: "Агар терма жамоамизни Бенту бошқарадиган бўлса, хайрли бўлсин дейман"
Тошкентдаги жанжал юзасидан расмий баёнот берилди
Россия Қуролли Кучлари "Азов" техникаларини йўқ қилди (видео)
