Сайёрадаги ерларнинг деградацияси хавфли суръатларда давом этмоқда ва ҳар йили жаҳон иқтисодиётига деярли 880 миллиард доллар зарар етказмоқда. Бу ҳақда БМТ Бош котиби Антониу Гутерриш бугун Қурғоқчилик ва чўлланишга қарши кураш куни муносабати билан йўллаган мурожаатида айтди.
Унинг сўзларига кўра, қурғоқчилик одамларни уйлардан кўчишга мажбур қилмоқда ва озиқ-овқат танқислиги муаммосини кучайтирмоқда.
Ерга етказилган зарарни бартараф этиш катта фойда келтиради, жумладан инвестицияларнинг юқори даромад келтириши, деди Гутерриш. Бундай фаолият қашшоқлик даражасини камайтириши, иш ўринлари яратиши, сув захираларини сақлаб қолиши, озиқ-овқат ишлаб чиқаришни ҳимоя қилиши ва ер ҳуқуқлари ҳамда даромадларни, айниқса кичик фермерлар ва аёллар учун яхшилаши мумкин.
Бу йилги Қурғоқчилик ва чўлланишга қарши кураш куни мавзуси — «Ерларни тиклаймиз. Имкониятларни очамиз».
“Мен ҳукуматларни, бизнес доираларини ва жамоаларни ер ресурсларидан оқилона фойдаланиш бўйича умумий глобал мажбуриятларимизни тезроқ бажаришга, ер деградациясини тескари қайтаришга ва ерларни тиклаш учун молиялаштиришни оширишга чақираман,” — деди Антониу Гутерриш.
Даҳшат! Эрон биринчи марта замонавий вертикал ракеталардан фойдаланмоқда
Иcроил «Қизил тўй» операцияси доирасида 12 дақиқа ичида Эроннинг ҳарбий раҳбарларини йўқ қилди
Исроил можаросига аралашган учинчи давлат Эрон томонидан зудлик билан жазоланади
