Буюк Британия Россиянинг “соя флоти”га қарши курашни кучайтиради

бу ҳақда The Times хабар бермоқда.

Буюк Британия Мудофаа вазири Жон Ҳили британиялик ҳарбийлар Қўшма Штатларга Россияга алоқадор Marinera (Bella 1) номли нефт танкерини қўлга олишда ёрдам берганидан сўнг “соя флоти”га қарши чоралар янада қатъийлаштирилишини маълум қилди.

Нашр маълумотларига кўра, Marinera АҚШнинг Венесуэлага нисбатан жорий қилган денгиз блокадасини ёриб ўтгач, Лондон Вашингтоннинг ушбу танкерни қўлга олиш бўйича операциясида иштирок этган.

Эслатиб ўтамиз, аввалроқ, АҚШ Қуролли кучлари Европа қўмондонлиги Атлантика океанида Россиянинг Marinera нефт танкери қўлга олинганини тасдиқлаган эди.