BBC: Буюк Британия пойтахтидаги Ҳитроу аэропортида номаълум шахслар одамларга қалампирли газ пуркади.
Лондон полицияси маълумотига кўра, бир гуруҳ эркаклар одамларга қалампирли газ пуркаган. Воқеа аэропортнинг учинчи терминали яқинидаги автотураргоҳда содир бўлган. Буюк Британияда қалампирли газ баллончаларини сотиш ва сақлаш ноқонуний ҳисобланади.
"Бир киши ҳужумда гумон қилиниб қўлга олинган, қолганлари қидирилмоқда. Лондон тез тиббий ёрдам хизмати ҳодиса оқибатида беш нафар одам шифохонага ётқизилганини маълум қилди", дея хабар бермоқда нашр.
BBC мухбирининг маълум қилишича, полиция йўлларни тўсиб қўйгани сабабли Ҳитроу аэропортининг 2 ва 3-терминали томон транспорт ҳаракати тўлиқ тўхтатилган.
Мигрантлардан норози бўлаётган экспертларга қўлига супурги олишни маслаҳат бераман — Собянин
АҚШ "ҳам сиз билан, ҳам биз билан ўйнаяпти" - Мерц
«London Chess Classic». Нодирбек Абдусатторов кетма-кет олтинчи ғалабага эришди ва ғолибликка жуда яқин турибди
