Бухоро шаҳрида жамоат транспорти учун нақдсиз (электрон) тўлов тизими жорий этилади. Бу ҳақда Бухоро вилояти ҳокими Ботир Зариповнинг қарорида айтилади.
Қарор 2025 йил 24 январ куни эълон қилинган.
Бухоро шаҳар ҳокимлиги (Қ.Турсунов) бир ой муддатда Бухоро шаҳридаги барча автобус бекатларини электрон чипта сотишнинг ўзига ўзи хизмат кўрсатувчи автоматлаштирилган инфокиоскларини фаолият кўрсатаётган барча автобус йўналишлари ҳамда бекатларига босқичма-босқич ўрнатиш чораларини кўради.
Шаҳардаги йўналишларда йўлкира ҳақи бир йўловчи учун 3000 сўм (ҚҚС билан), электрон тўлов тизими (АТТО) орқали тўлашда рағбатлантирувчи чегирма қўлланилган ҳолда 2000 сўм (ҚҚС билан) ҳамда қатновлар сонига боғлиқ ҳолда белгиланган тариф режаларини ҳисоблаш учун чекланган тариф – 2 000 сўм (ҚҚС билан) қилиб белгиланганлиги маълумот учун қабул қилинди.
Тўловлар АТТО тизими орқали амалга оширилади.
Ушбу қарор эълон қилинган кундан кучга кириши белгиланган.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Хитой АҚШни Гренландия масаласи бўйича огоҳлантирди
Ҳафтанинг иккинчи ярмида ҳаво ҳарорати -13° гача тушади
