Бухорода дарахтлар бетон қопламаларидан озод этилди

Ижтимоий тармоқларда Бухоро Давлат Техника Университети рўпарасида дарахтларнинг тег қисми бетон билан қоплангани юзасидан мурожаат тарқалди.

Мазкур мурожаат Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси инспекторлари томонидан ўрганилди.

Ўрганишлар натижасида ҳолат тасдиқланди ва дарахтлар бетон қопламаларидан озод этилди.

Фуқаролардан шундай масалаларда ҳушёр бўлишлари, экологик қонунбузарлик ҳолатлари ҳақида вилоят Экология бошқармасига мурожаат қилишларини сўраймиз!