Кураш либераллар номзоди, амалдаги бош вазир Доналд Тускнинг сафдоши, Варшава мэри Рафал Тшасковский ва консерватор, Польша Миллий хотира институти раҳбари Карол Навроцкий ўртасида кечади.
Навроцкийни Польшанинг энг йирик мухолиф партияси “Қонун ва адолат” (PiS) қўллаб-қувватламоқда. Польшанинг амалдаги президенти Анжей Дуда ҳам мазкур партия аъзоси ҳисобланади.
Сайловларнинг биринчи турида Тшасковский 31,36% овоз олган бўлса, Навроцкий 29,54% овоз тўплаган.
Аммо ҳозирда Навроцкийни биринчи турда жами 21,3% овоз олган бир нечта ўнг қанот номзодлари қўллаб-қувватламоқда. Агар уларнинг овозлари Навроцкийникига қўшилса, у иккинчи турда 50 фоиздан ортиқ овоз тўплаши мумкин.
Навроцкий Украинага ва Зеленскийга нисбатан кескин баёнотлари билан танилган. Шунингдек, у ўнг қанотдаги “Конфедерация” партияси етакчиси Славомир Менцен билан иккинчи турда қўллаб-қувватлаш бўйича келишув доирасида Украинани NATO'га аъзолигига қаршилик қилишини эълон қилган.
Либерал ва европапараст кучлар сайловчиларни сафарбар қилиш учун кампания бошлаган, унда Навроцкий “Путинга мойил номзод” сифатида кўрсатилмоқда.
Экспертларнинг фикрича, якуний натижалар ҳақида гапиришга ҳали эрта, айни дамда ҳар икки номзоднинг ғалаба қозониш имкониятлари деярли тенг ва кураш ниҳоятда кескин бўлади.
Даҳшат! Вафот этган 88 ёшли аёл тобутда ҳушига келди
Зеленский Кличконинг сўзларидан сўнг жиддий огоҳлантириш юборди
Ҳиндистон чўкиб кетмоқда - ярим миллиондан ортиқ қурбонлар
