Бугун Европа чемпионати чорак финалининг сўнгги икки ўйини бўлиб ўтади

Бугун, 6 июль куни футбол бўйича 2024 йилги Европа чемпионатининг сўнгги икки чорак финал учрашувлари бўлиб ўтади.

Соат 21:00да Англия ва Швейцария терма жамоалари беллашади.

Учрашув Дюссельдорф шаҳридаги «Меркур Шпиль-Арена» стадионида бўлиб ўтади.

Икки жамоа бунгача 27 марта тўқнаш келган, 18 марта Англия, 3 марта Швейцария ғалаба қозонган, қолганлари дуранг қайд этган.

Шунингдек, бугун тунда соат 00:00да Голландия - Туркия учрашуви бошланади.

Ўйин Берлиндаги «Олимпиаштадион» стадионида бўлиб ўтади.

Икки жамоа бунгача 14 марта тўқнаш келган, Туркия 4 марта, Голландия 6 марта ғалаба қозонган, қолганлари дуранг қайд этган.