"Бу бизнинг ишимиз эмас"

АҚШ вице-президенти Жей Венс АҚШнинг Ҳиндистон ва Покистон ўртасидаги можарога аралашмаслигини маълум қилди, дея хабар бермоқда The Guardian.

"Биз қила оладиган нарса - бу одамларни кескинликни бироз пасайтиришга ундашдир, лекин биз аслида бизнинг ишимиз бўлмаган ва Американинг назорат қилиш имкониятига алоқаси бўлмаган урушнинг авж олишига аралашмоқчи эмасмиз," деди Венс Fox News телеканалига берган интервьюсида.

У АҚШ ядро қуролига эга томонларнинг ҳеч бирини вазиятни кескинлаштирмасликка мажбур қила олмаслигини таъкидлади, шу сабабли Вашингтон "бунга дипломатик йўллар орқали эришишни давом эттиради".