Буюк Британия ҳукумати мамлакатдаги қамоқхоналар гавжумлиги сабабли айрим жиноятчиларни вақтинча озод қилишга қарор қилди.
Бу ҳақда Reuters агентлиги хабар берди.
Баъзи суд мажлислари қамоқхоналарнинг ҳаддан ташқари кўплиги билан курашиш бўйича кўрилаётган фавқулодда чоралар доирасида қолдирилади. Агентликнинг таъкидлашича, сўнгги 30 йил ичида қамоқ жазоси узоқроқ муддат ва оғир жиноятларга нисбатан қатъий ёндашув туфайли Англия ва Уэльсда қамоқхоналардаги шахслар икки баравар кўпайган.
Буюк Британия бош вазири Риши Сунакнинг сўзларига кўра, муддатидан олдин озодликдан маҳрум этиш фақат жазо муддати тугаши арафасида бўлганларга тегишли бўлади. Қайд этилишича, озод этиладиган шахслар қаттиқ назорат остида бўлишади.
Ушбу чора терроризм, жинсий зўравонлик ёки жиддий зўравонликда айбланган жиноятчиларга нисбатан қўлланилмайди. Қамоқхона губернаторлари ҳам баъзи маҳбусларнинг озод этилишига тўсқинлик қилиши мумкин.