Буюк Британия Украинада йиллар давомида минглаб аскарларини жойлаштириш, отишма тўхтатиш тартибини қўллаб-қувватлаш ва Россиянинг навбатдаги босқинини тўхтатиб қолиш учун тайёр эканлигини Британиянинг The Times газетаси ёзмоқда.
Британия ҳукуматидаги юқори лавозимли манба журналистларга Британия қўшинларининг жойлаштирилиши муддатсиз бўлишини маълум қилди: "Тинчлик келишувини сақлаш ва Россияни тўхтатиб туриш учун қанча вақт керак бўлса, шунча давом этади."
Шу билан бирга, Британия бош вазири Кир Стармер ўзининг оммавий чиқишларида тинчликпарвар кучлар ҳужумга учраган тақдирда россиялик ҳарбийларга қарата ўт очиш ҳуқуқига эга бўлиши ҳақида маълумот беришдан бош тортди. Шунингдек, Стармер Британия АҚШнинг хавфсизлик кафолатисиз Украинага қўшин киритмаслигини аниқ таъкидлади.
The Times'нинг қайд этишича, "кўнгилли давлатлар коалицияси"нинг мудофаа идоралари раҳбарлари пайшанба куни Лондонда тинчликпарвар кучларни қаерга жойлаштириш кераклигини "аниқроқ" муҳокама қилиш учун учрашади.
Путинга Украинадан "қўнғироқ қилишди"
Украина бир зарба билан Россиянинг қўмондонлик пунктини йўқ қилди
Украинанинг янги дахшатли қуроли кўрсатилди: Россияга янги "Нептун" билан зарба берилди
