Британия исроиллик икки вазирга нисбатан санкциялар жорий қилди

Буюк Британия Исроил молия вазири Бецалел Смотрич ва миллий хавфсизлик вазири Итамар Бен-Гвирга нисбатан чекловлар жорий қилди.

Британия ҳукумати сайтидаги янгиланган қора рўйхат шундан далолат бермоқда.

Лондонга кўра, Смотрих ва Бен-Гвир "инсоннинг шафқатсиз, ғайриинсоний ёки қадр-қимматни камситувчи муомала ёки жазодан озод бўлиш ҳуқуқини жиддий бузадиган фаолиятлар, жумладан, Иордан дарёсининг Ғарбий соҳилида фаластинликларга нисбатан содир этилган тажовуз ва зўравонлик ҳаракатлари билан шуғулланиш, ундаш, рағбатлантириш ва/ёки қўллаб-қувватлаш учун жавобгардир".

Буюк Британия Ташқи ишлар вазирлиги Австралия, Канада, Янги Зеландия ва Норвегия ҳам Смотрих ва Бен-Гвирга қарши "санкция ва бошқа чораларни эълон қилганини" айтди.

Эслатиб ўтамиз, чекловчи чоралар Буюк Британияга киришни тақиқлаш ва ҳисоб рақамларини музлатишни ўз ичига олади.