БРИКС мамлакатлари томонидан яратилган Янги тараққиёт банки (ЯДБ) раҳбари, Бразилиянинг собиқ президенти Дилма Руссефф касаллиги туфайли Шанхайдаги касалхонага ётқизилди, дея хабар беради ТАСС.
Бу ҳақда бразилиялик депутат Жозе Гимарайнш хабар берди.
— Шифокорлар жиддий деб ҳисобламаган хасталик туфайли Шанхай касалхонасига ётқизилган (собиқ) президентимиз Дилма Руссеффга тезроқ соғайиб кетишини тилайман, — деб ёзди у Х ижтимоий тармоғида.
Folha de S. Paulo газетасининг ёзишича, Руссефф қусиш, бош айланиши ва қон босими кўтарилганидан шикояти бўйича касалхонага олиб кетилган.
Эслатиб ўтамиз, Бразилия 1 январдан БРИКСга раислик қила бошлаган эди. БРИКС саммити 6-7 июль кунлари Рио-де-Жанейрода бўлиб ўтади.
Россия ва Украина келишувга эришди
Наврўзда Ўзбекистон аҳолиси неча кун дам олади?
Дунё аҳолиси энг кўп бўлган мамлакатлардан бири: Россиядан кўп аҳолиси бор, аммо майдони 115 марта кичик
