Бразилияда полиция ва жиноятчилар ўртасидаги тўқнашувда ҳалок бўлганлар сони 64 нафарга етди

28 октябрь куни Бразилиянинг Рио-де-Жанейро шаҳридаги Алеман ва Пенья фавелаларида полиция томонидан ўтказилган оммавий операция 64 кишининг ҳаётига зомин бўлди.

Бу ҳақда CNN Brasil давлат хавфсизлик кучларига таяниб хабар берди.

“Рио-де-Жанейро ҳукумати маълумотларига кўра, бу штат тарихидаги энг йирик операция”, — дейилади ҳисоботда.

Ҳалок бўлганлар орасида 60 нафар жиноятчи ва тўрт нафар полициячи, жумладан, элита БОПЕ бўлимининг икки нафар ходими бор.

Comando Vermelho жиноий гуруҳи аъзоларини ҳибсга олиш бўйича 100 та ордерни ижро этишни мақсад қилган “Муҳокама қилиш” операциясида 2500 га яқин ҳарбий ва фуқаролик полицияси ходимлари иштирок этмоқда. Операция давомида 81 киши ҳибсга олинди, 10 та милтиқ, тўппонча ва 9 та мотоцикл мусодара қилинди.