Европа Иттифоқига аъзо давлатлар бу маблағларни очликдан азият чекаётган мамлакатларга юбориш ўрнига қайта қуролланиш учун 800 миллиард евро сарфлашни маъқуллади.
Бу ҳақда Бразилия президенти Луис Инасиу Лула да Силва маълум қилди.
"Европа Иттифоқи ҳамжамиятнинг барча мамлакатларини қайта қуроллантириш учун 800 миллиард евро ажратди, ривожланаётган мамлакатлар эса бу маблағ очликка барҳам бериш ёки ўрмонларни сақлаб қолиш учун керак бўлади", — деди давлат раҳбари.
Президент, шунингдек, БМТ дунёда низоларнинг олдини олишга қодир эмаслигини яна бир бор таъкидлаб, унинг институтларини ислоҳ қилишга чақирди. Хусусан, у Ғазо секторидаги воқеаларни ташкилот инқирозининг далили сифатида қайд этди.
"Биз узоқ вақтдан бери БМТ тузилмасида бундай геноцидни тўхтатиш, урушларни тўхтатиш ва олдини олишга ёрдам берадиган одам бўлиши учун ўзгаришлар зарурлигини эълон қилдик. Шунинг учун биз дунё бошқарувини қайта кўриб чиқиш учун курашни давом эттирамиз", деди Бразилия маъмурияти раҳбари.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
Тошкентдаги жанжал юзасидан расмий баёнот берилди
