Бош прокуратура пулли парковкага тўлов қилмаганлик учун маъмурий жарима киритилишига қарши

Прокуратура таклиф этилаётган ёндашув коммунал хўжалик, меҳмонхоналар ва хусусий клиникалар олдидаги қарзлар учун жарималарга йўл очишидан хавотирда.

Spot’га кўра, Бош прокуратуранинг эътирозлари таклиф этилаётган норма ҳуқуқий табиатининг ўзига тегишли бўлган.

Идора таклиф этилаётган модданинг биринчи қисми аллақачон амалдаги МЖтКнинг 128−6-моддаси билан қамраб олинганини кўрсатган, энг муҳими эса — пуллик парковка шартнома бўйича хизмат ҳисобланишини ва тўлов қилмаслик бўйича низо МЖтК орқали эмас, судда ҳал этилиши керак, дея қайд этилган.

“Пуллик парковкалар — бу юридик шахс томонидан фуқароларга кўрсатиладиган пуллик хизмат бўлиб, пуллик парковка жойи учун белгиланган суммани тўламаслик ёки автомобиль рақамини ечиб олиш учун маъмурий жавобгарлик ўрнатиш мақсадга мувофиқ эмас”, — дея таъкидлаган Бош прокуратура.​​​​​​​​​​​​​​​​​​​​​​​​​​​