Европа Иттифоқининг ташқи ишлар ва хавфсизлик сиёсати олий вакили Жозеп Боррелл Исроил армиясининг Ғазо секторидаги Хон Юнус шаҳарчасидаги мактабга уюштирган ҳужумларини қоралади. Бу ҳақда у Х ижтимоий тармоғидаги постида маълум қилди.
«Қачонгача бу можаронинг оғирлигини бегуноҳ фуқаролар кўтаради?» - деб ёзган Боррелл ва айбдорлар жавобгарликка тортилиши кераклигини қўшимча қилган.
Европа дипломатияси раҳбари асирларни озод қилиш ва гуманитар ёрдам етказиб бериш учун зудлик билан ўт очишни тўхтатишга чақирди.
Эслатиб ўтамиз, 9 июль, сешанба куни Исроил армияси Хон Юнус шаҳрида тинч аҳоли бўлган мактабга ҳужум уюштирди, натижада 29 киши ҳалок бўлди ва камида 53 киши жароҳат олди.