ЮНЕСКОнинг миллий эксперти, ИКОМОС аъзоси, Бухоро минтақавий реставрация маркази бош архитектори Туйғун Бобоев маълум қилишича, ҳудудда туристик хизматлар кўрсатиш, яъни сайёҳларни янги жойларга жойлаштириш, меҳмонхона, ресторан, кафе, музейлар, ҳунармандчилик устахоналари, сувенир тайёрловчилар, шунингдек, кечки сайр учун сайилгоҳларга катта эҳтиёж мавжуд.
Бухоронинг тарихий қисмида ҳозирги пайтда туристларга муносиб хизмат кўрсатувчи биргина “Лаби Ҳовуз” номли миллий ресторан бўлиб, у ҳар куни меҳмонларга ўз имконияти доирасидан ташқари хизмат қилиб келмоқда. Ҳожатхоналар ва дам олиш жойларининг етишмаслиги мавжуд инфратузилмаларга тушадиган юкламани оширмоқда.