Болтиқ денгизи тубидаги кабелларга зарар етказганликда гумон қилинаётган Хитой кемаси капитани аслида ким?

Болтиқ денгизи тубидаги кабелларга зарар етказганликда гумон қилинаётган Хитой кемаси капитани Россия фуқароси бўлиб чиқди.

Германия федерал полицияси Финляндия ва Швецияни Болтиқ денгизидаги телекоммуникация кабелларини узиб қўйган эҳтимолий қўпорувчилик ишларини тергов қилишда қўллаб-қувватлашни бошлади. Bild немис қирғоқ қўриқлаш кемаси Финляндия ва Швецияга ёрдам бериш учун юборилишини ва тез орада сузиб кетишини билиб олди.

Бир кун аввал Болтиқ денгизи тубига ётқизилган иккита сув ости телекоммуникация кабели ишдан чиққан эди. 1173 километр узунликдаги кабеллардан бири Хелсинки ва Германиянинг Росток шаҳрини боғлади. Носозлик сабаблари ҳозирча аниқ эмас ва ҳозирда тергов давом этмоқда.

Германия мудофаа вазири Борис Писториус аллақачон сув ости кабелларига этказилган зарар «қасддан» қилинганлигини айтди.

Бир версияга кўра, кабеллар лангар ёки сувга туширилган пастки трол томонидан синдирилган бўлиши мумкин. Хитойнинг «Yi Peng 3» юк кемаси шубҳа остига тушди. Кема ўзининг ғалати маршрутлари билан эътиборни тортди, шунинг учун уни Дания ҳарбий-денгиз кучларининг икки кемаси кузатиб борди.

Ижтимоий тармоқлардаги хабарларга кўра, данияликлар Yi Peng 3 га етиб олишган ва уни тўхтатиб қўйишган. Кема капитани Россия фуқароси бўлиб чиқди.