Бокс. "WBO" рейтингида Шаҳрам кўтарилди, Шоҳжаҳон эса жадвалга киритилмади

Жаҳон бокс ташкилоти (WBО) ўзининг декабрь ойи учун янгиланган рейтингни эълон қилди. Мазкур жадвалдан 5 нафар чарм қўлқоп усталаримиз ўрин олди.

Жумладан, Ҳасанбой Дўсматов биринчи ўта енгил вазн тоифасида (-48,8 кг) 8-ўринни эгаллаган бўлса, Олимжон Назаров ушбу йўналишнинг 50,8 кг вазнида 7-ўринга кўтарилди. Биринчи ярименгил вазн тоифасида (-55,3 кг) Муроджон Аҳмадалиев олтинчи, яримўрта вазнда (- 66,6 кг) Шаҳрам Ғиёсов учинчи, Бектемир Мелиқўзиев эса суперўрта вазн тоифасида (- 76,2 кг) еттинчи ўринни эгаллади.

Афсуски, Отабек Холматов, Шоҳжаҳон Эргашев, Исроил Мадримов каби маҳоратли боксчиларимиз ушбу рейтинг жадвалига киритилмади.