Россия ҳарбий қўмондонлиги Украинанинг Курск вилоятига бостириб киришини кутган ва бир неча ой давомида унинг олдини олиш режаларини ишлаб чиққан. Буни The Guardian журналистлари украиналик ҳарбийлардан олган ҳужжатлар тасдиқлайди.
Ҳарбийларнинг хабар қилишича, буни тасдиқловчи қоғозлар Россия позицияларидан топилган. Шу билан бирга, нашрнинг ёзишича, журналистлар ҳужжатларнинг бутун мажмуаси билан эмас, балки айримлари билан танишишган. Нашр ҳужжатларнинг ҳақиқийлигини мустақил равишда текшира олмаслигини, лекин уларда ҳақиқий рус армияси алоқаларининг белгилари борлигини таъкидлади.
Қабул қилинган ҳужжатлардан маълум бўлишича, январ ойида Россия қўмондонлиги Украина қуролли гуруҳларининг "давлат чегарасида ўтиш эҳтимоли"ни муҳокама қилган. Феврал ойида қўмондонлар Украина Қуролли Кучлари зирҳли техникаларини олиб ўтадиган йўлак яратиш учун "Суми вилоятидан Россия ҳудудига тез суръатлар билан 80 км чуқурликка ўтиши" мумкинлиги ҳақида огоҳлантирилган.
"Июн ойи ўрталарида огоҳлантириш янада аниқроқ бўлди", деб ёзади нашр олинган ҳужжатларга таяниб. Хусусан, Россия ҳарбийлари Украина Қуролли кучлари ушбу вилоят марказини ўз назоратига олиш учун Суджа йўналишини ёриб ўтиши эҳтимоли кўриб чиқилган. Шунингдек, Украина Россиянинг минтақадаги таъминот линияларини бузиш учун Сейм дарёси устидаги кўприкни бузишга ҳаракат қилиши маълум қилинган.